ILOILO CITY – Nagadepende na sa organization sang The Academy Awards ukon mas kilala nga Oscars kun maga-impose sang sanction sa duha ka celebrities nga na-involve sa kontrobsersiya sa ginpatigayon nga Oscars 2022 sang damlag lang suno sa isa ka registered guidance councilor.
Sa ginpatigayon nga Oscars 2022, gindapal ni Will Smith si Chris Rock matapos nga nainsulto ini sa nangin pahayag ni Chris sa iya asawa nga may gina-suprer nga medical condition.
Sa interview sang Bombo Radyo kay Francis Ray Subong, Vice President sang Philippine Guidance and Counseling Association, iya ginpahayag nga ang nangin akto sang duha ka celebrities ang pareho nga indi maayo.
Suno kay Subong, dapat nga nangin mahinalungon si Chris Rock sa iya ginapanghambal ilabi na kung may ginabatyag ang isa ka tawo.
Ang tagsa ka tawo ang indi perpekto suno pa kay Subong.
Pahayag dugang ni Subong nga si William Smith ang kuntani wala nagpadala sa iya nga kaakig.
Nagakadapat suno kay Subong nga indi maghimo sang desisyon sa tion nga yara pa sa height sang emotion.
Nagpanugyan naman si Subong sa mga ginikanan nga dapat nga mangin mahinalungon sa mga akto bangud ginakabig nga insakto nga butang
sang isa ka bata ang ginahimo sang iya ginikanan.
