ILOILO CITY – Wala pa sang ihibalo si Iloilo City Councilor Eduardo Peñaredondo tuhoy sa committee chairmanship sa Iloilo City Council.
Sa interview sang Bombo Radyo kay Peñaredondo, iya ginpahayag nga wala pa siya sang ihibalo kun ano ang mangin sistema sa paghatagay sang komitiba.
Ginpahayag ni Peñaredondo nga ang nasambit nga isyu ang nagakadapat nga istoryahan sang tanan nga konsehal sang syudad agud nga mangin patas sa tanan.
Ginpahayag man sang konsehal nga bukas siya sa bisan ano nga komitiba ang ihatag sa iya.
Samtang, ginpahayag naman ni Iloilo City Mayor-elect Jerry Treñas nga indi na siya magpahilabot sa paghatagay sang komitiba sa konseho.
Sa interview sang Bombo Radyo kay Treñas, iya ginpahayag nga nakadepende na sa mayorya sa konseho ang pagdesisyon tuhoy diri.
Bilang Mayor-elect, ginpahayag sang natungdan nga iya na nga ginatugyan sa mga konsehal ang pagpili sang ila naluyagan nga komitiba.
