ILOILO CITY – Igahatag personal sa mga pumuluyo sang Brgy. Boulevard, Molo, Iloilo City ang quarantine pass.
Sa interview sang Bombo Radyo kay Punong Braangay Virgilio “Kano” Villanueva, iya ginpahayag nga nag-umpisa ang pagpanghatag sang quarantine pass umpisa kahapon nga adlaw apang bangud nga wala ginasunod ang social distancing, iya ini nga ginpauntat.
Suno kay Villanueva, sa baylo nga sa barangay hall kuhaon ang quarantine pass, ang tagsa ka barangay kagawad na lang ang magahatag sini sa ila nasakupan nga zona.
Ginpahayag ni Villanueva nga ang quarantine pass ang ipakita sa checkpoint kag sa tion sang curfew hours.
Gin-athag sang Punong Barangay nga mahimo lamang nga magamit ang quarantine pass sa pagbakal sang pagkaon kag bulong.
