INDIA – Nakahibalo ka bala nga ang tawo nga makahambal sang indi magnubo sa duha ka lenggwahe ang may dako nga posibilidad nga makabalik sa normal nga cognitive function pagkatapos ma stroke?
Suno kay Dr. Suvarna Alladi, neurology professor sa Nizam’s Institute of Medical Sciences sa Hyderabad, India, ang paghibalo sang madamo nga lenggwahe ang naga-challenge sa utok kag ini ang naga-promote sa neuroplasticity ukon “cognitive reserve,”.
Ang cognitive reserve amo ang nagabulig sa utok nga makapreparar sa bag-o nga mga pagtilaw kaangay sang pag-angkon sang balati-an.
Gina-enganyo naman ang paghibalo sang second language agud maka-communicate sa mas madamo nga tawo kun sa diin bonus na lang diri ang neurological nga benipisyo sini.
