Sa mga gakalatabo sa kalibutan, kon kaisa daw ihibi mo nalang.
Apang may mga tawo nga bisan nasakitan, indi pa pagbuy-an ang mga luha sa mga mata.
Ini bangud sa kahadlok nga mangin mahina ang panulok sang mga tawo sa imo kon maghibi ka.
Apisar sa mga komentar sang iban, nakahibalo ka bala nga kon ikaw maghibi madamo ang benipisyo nga makuha mo para sa imo ikaayong lawas?
Suno kay Stephen Sideroff, Ph.D., clinical psychologist sa Los Angeles, ang paghibi makahatag sang positibo nga epekto sa ikaayong lawas kag makabuhin sang stress hormones nga naga balanse sang mood kag panan-awan sang tawo.
Bisan ano nga sahi sang pagluha, luha sang kasakit,kalisod, kaluoy, kag kalipay ang makapatinlo sang mata kag nagakuha sang emotional pain nga nagabulig pakalma sang isa ka tawo.
Gani ang paghibi indi laragway sang kahina ,sa baylo, kakusog nga nagahatag pa sang detoxification sa lawas nga nagabulig likaw sa mga masakit.
