ILOILO CITY- Dakop sa ginpatigayon nga drug-buy bust operation sang Station Drug Enforcement team sang Arevalo PNP ang isa ka lalaki sa Barangay Sto. Domingo, Arevalo, Iloilo City.
Ang arestado amo si Teddy Beson, 18, residente sang Barangay Sto. Nino sa amo nga distrito.
Sa interview sang Bombo Radyo kay PMaj. Val Ladublan, hepe sang Arevalo PNP, iya ginpahayag nga pila ka semana na nila nga ginamonitor si Beson.
Narekober kay Beson ang anom ka sachets sang suspected shabu kag P1200 nga buybust money.
Sa subong, yara na sa kustodiya sang nasambit nga police station si Beson kag magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
