Sa tunga sang COVID-19 pandemic, halos ginadumilian na ang Public Display of Affection (PDA) kaangay sang holding hands.
Apang suno sa mga eksperto, ”socially acceptable” man nga sahi sang public act of intimacy ang pagkapyotanay sang mga kamot, tuman ka bentaha sa ikaayong lawas kag mahimo ini nga himuon sang bisan sin-o, kag sa bisan ano oras.
Suno kay experimental psychologist Dr. Matt Hertenstein, ang pagholding hands ang napamatud-an nga nagapasanyog sang relationships, nagapahagan-hagan sang anxiety, nagapabuhin sang stress kag nagapadula sang pain.
Ini bangud ang epekto sang mainit kag supportive nga hikap pinaagi sa holding hands ang nagapabuhin sang stress hormone cortisol, nagapanubo sang blood pressure kag nagapahinay sang heart rates.
Essential man suno sa doktor ang human touch bangud santo sa mga pagtuon, prone sa mental health issues kaangay sang depression kag anxiety ang mga indibidwal nga wala gid nakaagi holding hands, ukon bisan nakahakos sa iya abyan ukon pamilya.
Dugang pa niya, sa tion nga magholding hands and duha ka indibidwal, naga-release man ang lawas sang ”cuddle hormone” nga oxytocin kag serotonin nga amo ang nagapabuhin sang pain.
