Ginpasigurado sang Local Economic Enterprise Office sang Iloilo city government nga mauna tapos ang Iloilo Central Market kag ang Iloilo Terminal Market sa masunod nga tuig.
Sa interview sang Bombo Radyo kay Maricel Mabaquiao, Chief sang Local Economic Enterprise Office, iya ginpahayag nga ang Jaro Public Market ang almost 100% na nga natapos ang phase 1 samtang ang Arevalo Public Market ang 100% naman.
Suno kay Mabaquiao, ang La Paz Public Market ang yara na sa 70% na ang phase 1, samtang sugodan man ang Phase 2 sini sa masunod nga tuig.
Ginpahayag man ni Mabaquiao nga bangud may mga procurement kag bidding process pa nga agyan, medyo may delay sa paghuman sang mga proyekto.
Gin-athag man sini ang Iloilo Central Market nga yara na sa 68% ang natapos ang medyo na-delay man bangud sa pagkuha sang mga materyales apang posible naman nga sa Mayo na mabuksan ang Central Market.
Gin-ako man sang talatapan nga indi matapos subong nga bulan sang Disyembre ang city government funded nga mga merkado.
Nagpasalig man ang natungdan nga ‘okay’ lang sa pila ka mga vendors nga indi sila makasaylo subong nga bulan bangud man nga busy sa holiday season.
