Masami ka bala nga nagahuragok? Ukon natak-an kana bala sa magahod nga huragok sang upod mo sa pagtulog?
Suno kay Dr. Virginia de los Reyes, sleep specialist sa Lung Center of the Philippines , apisar ang paghuragok ang warning sign na sang obstructive sleep apnea, indi tanan nga nagahuragok ang may yara sang sleep apnea kag indi tanan nga may sleep apnea ang nagahuragok.
Gani, dapat nga bantayan ang paghuragok kag obstructive sleep apnea bangud delikado ini sa ikaayong lawas bangud mahimo ini nga mangin bunga sang heart failure, heart attack, high blood pressure, stroke, neurocognitive impairment kag aksidente nga tuga sang pagkatuyo.
Ang obstructive sleep apnea ang nangin kabangdanan sang liwat-liwat nga pag-untat kag pag-umpisa sang pagginhawa sa pagtulog.
Pahayag niya, ini ang nagakaapekto sa kadam-an nga mga kalalakihan apang may mga kababaihan nga yara sa menopausal kag postmenopausal period ang may mataas man nga peligro.
Ini ang naka-apekto sa tanan nga tawo ano man nga edad lakip na ang mga bata.
