ILOILO CITY- Ikaw bala mahisaon, palahikay kag chismosa nga sahi sang tawo?
Oras na agud nga untaton ninyo ang mga nasambit nga pamatasan bangud ini ang may yara sang makakilibot kag negatibo nga epekto sa lawas.
Santu sa bag-o nga pagtuon sang College of Psychiatric Study of Human Behaviors sang University of Alabama sa Estados Unidos napamatud-an nga ang mga malain nga mga pamatasan kasubong na lang sang pagkamahisa, pagkapalakihay kag pagkachismosa ang mahimu nga tunaan sang seryoso nga mga mental disorder kag mahimu man nga tunaan sang early natural deaths ukon kamatayon.
Suno sa mga eksperto, makakuha sang bastante nga anger kag envy stimuli sa lawas ang isa ka tawo nga nagapakita kag nagabatyag sang nasambit nga mga pamatasan kag ini ang naga-amat-amat kaon sa mga happy stimuli nga makita sa utok kag nagadevelop sa short term depression nga mahimu tunaan sang mas malala nga mga stages sang mental disorders kasubong na lang sang pagka-buang.
Dugang pa sang mga eksperto ang nasambit nga pamatasan ang nagapanubo man sang life span ukon kabuhi sang isa ka tawo bangud sa nagkalain-lain nga stress nga mahimu sini nga mabatyagan.
May kaangtanan diri nagpanugyan ang eksperto nga untatan na ang pagkamahisa, pagkapalahikay kag pagkachismosa bangud ini ang wala sang maayo nga dulot sa ikaayong lawas.
