Naguwa sa pagtuon sang Department of Science and Technology-Food and Nutrition Research Institute (DOST-FNRI) nga epektibo bilang adjunct supplement ukon dugang nga panakot sa pagkaon ang virgin coconut oil (VCO) sang mga pasyente sang COVID-19.
Suno sa DOST, nakit-an ang pag-ayo sang clinical trial participants humalin ikaduha tubtob ika-18 nga adlaw sang paggamit sang VCO supplement.
“Symptoms in the VCO group significantly declined in day two and no more symptoms were observed in day 18. Compared to the controlled group that showed improvement in day 3 and no symptoms only in day 23,” pahayag ni Science Secretary Fortunato dela Pena.
Kapin 60 ka pasyente sang Sta. Rose Community Hospital sa Laguna ang nagpaidalum sa nasambit nga trial nga nagdugay sang 28 ka-adlaw sa diin ang tunga ang nakabaton sang 0.6-mililleters ukon tatlo ka kutsara sang VCO kada adlaw, samtang ang tunga ang nakabaton sang placebo.
Wala man ginalakip sa pagtuon ang mga pasyente nga may history na sang komplikasyon sa korason, may mataas nga cholesterol, wala sang sintomas kag mga nagabusong.
Suno sa Ateneo faculty kag miyembro sang research team nga si Dr. Fabian Dayrit, gingamit nila nga basehan sa ka-epektibo sang VCO ang C Reactive Protein (CRP) sa dugo sang mga pasyente.
Bangud diri, kun magnubo sang 5-milligrams ang CRP sa dugo, ginalantaw nga nag-ayo sa impeksyon ang isa ka pasyente.
“Ito yung marker na mas mababa doon ay evidence na wala kang inflammation at malinaw doon sa result nila na bumaba talaga ang CRP levels ng mga kumuha ng VCO. Yung mga hindi kumuha ay hindi gaanong bumaba, nag-stabilize lang sya,” ginpahayag ni Dr. Fabian.
Gin-athag sang DOST experts nga indi pa makabig nga treatment ang VCO bangud kinahanglan pa sang ma id-id nga pagtuon may kaangtanan sa ka-epektibo sini.
Ginpahayag sang pinuno sang proyekto nga si Dr. Imelda Angeles-Agdeppa, temprano pa agud i-rekomenda nga malakip sa standard care sang COVID-19 cases ang VCO.
Sa subong, ginakabig palang ini bilang epektibo nga prophylaxis sa mga pasyente sang COVID-19 nga manubo ang viral load, kaangay sang mga probable kag suspect.
“Its very difficult to say that we can claim, but actually its a functional food, means it can add up better results if its given to other medications or medicines,” suno kay Dr. Imelda Angeles-Agdeppa.
Magluwas sa Laguna, nagpahayag man sang interes ang local government unit sang Valenzuela agud makapaobra man sang VCO trial sa ila nga lugar.
Mangin ang iban nga pungsod nga myembro sang International Coconut Community, sa diin lakip man ang Pilipinas, ang interesado man sa resulta sang ginpatigayon nga pagtuon.
Gin-abisuhan naman sang Philippine Coconut Administration (PCA) ang publiko bangud sa posibilidad nga pagdugok sang pumuluyo sa mga baligyaan sang supply sang virgin coconut oil.
“Actually ang hahanapin natin ay yung FDA seal or approval ng mga produkto para masiguro na pumasa sa regulation,” pahayag ni PCA administrator Benjamin Madrigal, Jr.
