ILOILO CITY- Na- outrun, na- outplay, kag na- outsmart sang Phoenix Suns ang Milwaukee Bucks sa umpisa pa lang sang hampang rason nga nakuha sang Suns ang kadalag-an sa game 1 sang NBA Finals sa score nga 118-105.
Sa interview sang Bombo Radyo kay Jophil Cercado, basketball trainor kag coach sang Province of Iloilo Sports Program, iya ginpahayag nga kulang sa pagkaagresibo ang Bucks kag wala man sang maayo nga opensa.
Suno kay Cercado, ginkulang man sa movement sang bola si Giannis Antetokuonmpo samtang nangin limitado naman ang kontribusyon ni Brook Lopez.
Ginpahayag niya nga sa bahin sang Suns, nangin impresibo ang ginpakita nga speed kag transition ilabi na sang pointguard nga si Chris Paul.
Agud makabawi sa game 2 ang Bucks, ginpahayag ni Cercado nga pila sa mga adjustments nga dapat himuon sang Bucks amo ang husto nga match- up sa kaabtik sang players sang Suns.
