Ginapadasig na ang pagkaayo ukon rehabilitation sang Budburan creek sa disrito sang Lapuz sa syudad sang Iloilo nga amo ang ginatudlo rason sang pagbaha sa pila ka mga kabarangayan.
Sa interview sang Bombo Radyo kay Punong Barangay Efren Cenayo sang Don Esteban, Lapuz, iya ginpahayag nga ginkakibot niya sang tinalikdan nga adlaw nga may yara na sang tawo nga nagpadulong sa ila barangay nga amo gali ang ginpadala agud nga usisaon ang creek.
Ini ang sabat tuhoy sa ginhimo nga Joint Resolution sang Barangay Don Esteban, Mansaya kag Lapuz Norte nga pagpahamtang sang flood way.
Suno kay Cenayo, may yara na sang budget sa pagrehabilitate sang creek amo nga ginalauman na ini nga mapatuman sa labing madali nga panahon.
Apang dapat nga mas hatagan igtalupangod ang bahin sang Lapuz Norte pahayag sang punong barangay bangud didto nagabara ang creek indi kaangay sa Don Esteban nga padayon ang pag-ilig sang tubig.
