ILOILO CITY–Indi dapat nga ibasol kay Iloilo City Mayor Jose Espinosa III ang problema sang mga merkado sa syudad.
Sa interview sang Bombo Radyo kay Iloilo City administrator Atty. Hernando Galvez, ginpahayag sini nga ang problema sa merkado ang madugay na bag-o pa ginbuslan ni Mayor Espinosa si anay Mayor Jed Patrick Mabilog.
Tungud sini sunu kay Atty Galvez, indi maayo nga ibasol tanan kay Mayor Espinosa ang problema sang mga merkado ilabi na ang pagkaguba sang Iloilo Terminal Market kag Iloilo Central Market.
Sa pagkamatuod suno kay Galvez,  humalin sang una wala na nga daan ginapatuman ang sanitation code ang mga merakado rason nga tuman ini ka higko.
Sa termino ni Mayor Espinosa sunu kay Atty Galvez, ginatinguhaan sang alkalde nga magsunod ang syudad sa sanitation code kag iban pa nga mga layi para sa ikaayo sang mga merkado.