Ginklaro sang International Criminal Court (ICC) nga wala sang epekto sa imbestigasyon sa kaso nga crimes against humanity batok kay anay Presidente Rodrigo Duterte ang pagkakas kay ICC prosecutor Karim Khan.
Ginpahayag ni ICC Spokesperson Fadi el Abdallah nga ginkakas si Khan sa kaso bangud sa may kaangtanan ini sa pagsumiter sang communications sa idalom sang Article 15 sang Rome Statute kay anay Prosecutor Mme Fatou Bensouda.
Ang nasambit nga kaso ang ginpangunahan na ni Deputy Prosecutor Mame Mandiaye Niang.
Si Niang ang magalantaw sa mga pag-imbestiga kag prosecution sang Office of the Prosecutor nga may kahilabtanan kay Duterte lakip ang pag-apply sang warrant of arrest.
