ILOILO CITY- Duha ka anggulo ang ginasundan sang kapulisan sa posible nga motibo sa pagpatay sa Indian National sa sa Brgy. Guzman- Jesena, Mandurriao, Iloilo City.
Ang biktima amo si Jatinder Singh, 27-anyos, temporaryo nga naga-isrtar sa nasambit nga barangay.
Sa interview sang Bombo Radyo kay Police Captain Val Cambel, hepe sang Mandurriao Police Station, iya ginpahayag nga isa sa ginasundan nila nga anggulo amo ang negosyo sini nga nagapautang.
Suno kay Cambel, ang isa man ka posibilidad amo ang batasan sini kun mahubog nga masami nagamaoy.
Pahayag pa sang hepe, siya mismo ang nakasaksi kun paano magmaoy ang Indian National bangud ginpa-blotter na ini sadto.
Wala naman ginadula ni Cambel ang iban pa nga posible motibo sa pagpatay sa biktima.
