Pagkansela sa pagbisita sang mga kandidata sang Miss Universe 2017 sa Syudad sang Iloilo, wala sang kaangtanan sa pagbansag sa syudad bilang Most Shabulized City- DOT

Ginkumpirma sang Department of Tourism (DOT) nga indi na madayon ang pagpadulong sang mga Miss Universe 2017 candidates sa Syudad sang Iloilo.
Sa exclusive interview sang Bombo Radyo kay DOT Assistant Secretary Ricky Alegre,
inpahayag sini nga naghisugot ang organizing committee sang Miss Universe nga ikansela ang Enero 22 nga schedule sa pagbisita sang mga kandidata bangud sa conflict sa schedule.
Ginpahayag sini nga magluwas sa Iloilo, ginkansela man ang ila pagbisita sa Bicol nga tuman nga naapektuhan sang Bagyo Nina.
Gin athag naman ni Alegre nga wala sang kaangtanan sa pagbansag sa Syudad sang Iloilo bilang “Most Shabulized City” ang pagkansela sang pagbisita sang Miss Universe 2017 candidates.