Sa tunga sang pandemya, nangin conscious na ang kadam-an sa ila nga ikaayong lawas kag kun paano malikawan ang nanuhay-tuhay nga balatian.
Suno sa mga eksperto, simple lang ang pamaagi agud mapabilin nga healthy ang lawas.
Magkaon ka lang adlaw-adlaw sang prutas nga guyabano ukon babana.
Suno kay Rachael Link, registered dietician sa Estados Unidos, ang prutas sang babana, mangin ang dahon sini kag stems ang manggaranon sa fiber, vitamin C, niacin, riboflavin, folate kag iron.
Ini nga mga nutrients ang natukiban nga nagapahinay sa cancer growth kag nagabato sa mga bacteria nga ginatunaan sang mga balatian.
Ang babana ang puno man sang antioxidant properties kag potent antibacterial properties nga nagapalikaw sa oral diseases kag nagapatay sang mga bacteria nga nagatuga sang balatian nga gingivitis, tooth decay kag cholera.
