Paborito gid sang mga bata ang mga matam-is nga pagkaon kaangay sang dulce, ice cream kag madamo pa.
Amo man bala ang imo bata?
Nagakabalaka ka bala nga may malain ini nga epekto sa ikaayong lawas sang bata?
May yara gid man bala ini malain nga epekto sa ila nga ikaayong lawas?
Suno sa pediatrician nga si Dr. Svetlana Pomeranets, 25 gramo ukon anom ka kutsarita lang sang sugar ang mahimo makaon kag 8 ounce naman sang sugar sweetened nga ilimnon kada semana ang mainom sang bata nga naga edad 2 tubtob 18 anyos.
Dugang nya, ang mga bata nga naga edad manubo sa duha ka tuig ang indi pwede magkaon sang matam-is nga pagkaon.
Ginpahayag ni Pomeranets nga ang mga pagkaon nga matam-is ang nagapataas sang tsansa sang obesity, high blood pressure, type 2 diabetes kag heart disease sa mga bata.
Nagpanugyan si Pomeranets nga wala sang malain sa pagkaon sang matam-is bangud normal lang nga nanamian ang mga kabataan sang mga nasambit nga pagkaon apang mas maayo kun mas madamo nga masustansya nga pagkaon kaangay sang prutas kag utan ang ila ginakaon.
