Atensyon sa mga tawo nga paborito ang repolyo.
Bisan diin may yara sang repolyo kag mabakal lang ini sa manubo nga presyo.
Kun luyag mo ang manami nga supat, kun target mo ang magpaniwang kag makapabakod pa sang imo immune system, repolyo lang bastante na agud maangkon kag matuman ang imo nga kagustuhan.
Suno sa Philippine Dietary Reference Intakes (PDRI) , ang pag kaon sang repolyo ang makabulig sa imo likaw batuk sa radiation, cancer kag makapanubo risgo sa pag-angkon sang balatian sa tagipusuon.
Ini ang nagapataas man sang lebel sang beta-carotene, lutein kag iban pa nga heart-protective antioxidants.
