Bantog na sa mga Filipino ang pamahaw nga uga nga may pares nga mainit nga kan-on.
May yara sang wala nagakaon sang uga bangud sa baho sini apang paborito naman ini sang iban.
Magluwas nga makagalana ini bilang kalakip sang pamahaw kun aga, nakahibalo ka bala nga manggaranon ang uga sa nutristansya nga makabulig sa pagpasangkad sang imo ikaayong lawas?
Suno kay Dr. Brahmanand Nayak, author, healthcare strategist kag visionary sa Bangalore, India, ang proteins, vitamins kag minerals nga yara sa uga ang epektibo nga pambato sa high blood pressure.
Ang omega-3 fatty acids kag vitamin D nga yara sa uga ang makatapna naman sang pila ka mental health issues.
Pahayag ni Nayak, ang uga ang may yara sang natural anti-depressant nutrients nga makapakalma sang mood swings sang tawo kag nagapalikaw sa depression.
Ang omega-3 acids ukon healthy fat nga yara sa uga, ang ginakabig nga ‘essential’ para sa ikaayong lawas, kag nagabulig man sa proper functioning sang utok kag mga mata sang tawo.
