Nagsaka na sa 275 ka mga patay nga elepante ang nakit-an sa Okavango Panhandle sa Botswana.
Bangud sini, imbestigahan sang otoridad ang indi mapaathag nga pagkapatay sang mga elepante sa sulod sang pila na ka bulan.
Suno sa Ministry of Environment, Natural Resources, Conservation and Tourism, tatlo ka mga laboratoryo sa Zimbabwe, South Africa kag Canada ang ma-proseso sang samples nga ginkuha sa mga patay nga elepante.
Pahayag ni Elephants without Borders director Mike Chase, pila lamang sa mga elepante subong ang ma obserbahan nga mahina na, nagakabudlayan maglakat kag nagapakita sang senyales sang partial paralysis.
Sa bahin sang Elephants without Borders, 356 na nga mga elepante ang nagkalamatay kag kinahanglan nga ma establisar kun bala ang pagkapatay sang mga nasambit nga sapat ang bangud sa balatian ukon ginhilo-an.
