Padayon nga nagarecover ang golf legend nga si Tiger Woods matapos ini nga maaksidente.
Suno sa kampo sang 45-anyos nga US golf star, nakabugtaw na kag nagaresponse naman si Woods.
Nahibaluan nga samtang ginamaneho sini ang iya Genesis GV80 sa Rancho Palos Verdes sa California, gilayon ini naaksidente, nakabunggo sa kahoy kag nahulog pa sa pil-as.
Bangud sa insidente, nakaangkon ini sang injury sa iya nga batiis.
Gilayon man siya nga ginpaidalom sa operasyon sa iya lower right leg kag ankle sa Harbor-UCLA Medical center.
Suno kay Chief Medical Officer Dr. Anish Mahajan, nadunot ang tul-an ni Woods sa hita rason nga ginbutangan nila ini sang salsalon.
Ginakabig man ni Mahajan nga isa ka milagro ang natabo sa golf legend nga nasalbar pa ini matapos maaksidente.
