ILOILO CITY – Nagasentro sa kontribusyon sang mga katigulangan ang katuyu-an sang pagpatigayon sang Huluaran sang Katigulangan.
Sa interview sang Bombo Radyo kay Charise Ariane Pedroso sang JCI Iloilo Ilang-Ilang, iya ginpahayag nga ang objective sang pagpatigayon sang Huluaran sang Katigulangan amo nga mahatagan sang pagkilala ang mga maayo nga hinimu-an sang mga katigulangan nga nagpangibabaw sa ila tagsa ka ginpili nga career.
Suno kay Pedroso, ang Huluaran sang Katigulangan ang gin-umpisahan sang 2015 sa idalom sang talatapan ni Iloilo City Councilor Love-Love Baronda sa bulig sang JCI Iloilo Ilang-Ilang.
Ginpahayag ni Pedroso nga ang ginabasehan sa pagpili sa mga ginapasidunggan amo ang ila mga kontribusyon samtang yara pa sa serbisyo kag sa ila senior citizen career.
Samtang, ang pagpahamtang sang modern health center para sa mga kabataan ang isa sa nangin kontribusyon sang awardee nga si Ramon Cadiz, 91, kag isa ka dentist.
Suno kay Cadiz, 40 ka tuig siya nga nagserbe bilang dentist kag sa iya career, nahatagan siya sang pagkilala sang World Health Organization.
Ginpahayag ni Cadiz nga isa sa iya accomplishment sa patag sang oral health amo ang pagpahamtang sang modern health center para sa mga kabataan sa Mia-ao, Iloilo.
Paagi sa nasambit nga programa, nagnubo sang 70% ang tooth decay sa mga kabataan.
Ang nasambit nga programa suno kay Cadiz ang ginpatuman sa bug-os nga pungsod.
