May mga warts ka man bala sa nagkalain-lain nga bahin sang imo lawas?
Ang warts ang nagatubo bangud sa virus nga nagatapik sa imo nga panit kag nagaresulta sa infection.
Suno kay Dr. Suzanne Olbricht, isa ka dermatologist, masami ang warts sa mga broken skin ukon mga pilas sa diin madasig makasulod ang virus.
Nakahibalo ka bala nga mahimo maglapta ang warts sa imo nga lawas?
Gani importante gid ang paghugas sang kamot kag indi pagsagi hikap ang imo nga warts.
Ang warts ang indi malikawan apang may mga pamaagi agud nga mapanubo ang risgo sa pag-angkon sini.
Isa sa pinaka importante nag himuon amo nga masami maghugas sang kamot, likawi nga mapilas kag kun gina ingkit mo ang imo kuko, untati na ina bangud ang pag-ingkit sang kuko ang nagahatag sang pamaagi agud nga makasulod ang virus sa imo lawas.
Kun luyag mo nga ipakakas ang warts, mas maayo nga magdangop sa dermatologist bangud may yara sila sang nagkalain lain nga pagbulong sa warts.
