ILOILO- Nagapadayun ang pagpanguha sang data sa mga kabanwahanan sa probinsya sang Iloilo may kaangtanan sa deklarasyon ang state of calamity bangud man sa slight El Niño.
Sa interview sang Bombo Radyo kay Provincial Disaster Risk Reduction And Management Officer Dr. Jerry Bionat, iya ginpahayag nga nagmando na siya sa pagkolekta sang mga datos sa mga banwa nga apektado.
Pahayag pa ni Bionat na ila man ginahibalo kun ano na ang mga programa nga na-implementar sa mga kabanwahan agud mabuligan ang mga mangunguma kag ang ila pamilya nga nag-antos bangud man sa El Niño sa diin nahalitan ang mga pananom.
Suno kay Bionat importante nga mahibaluan ang mga programa bangud limitado man ang pondo sang probinsya lakip na ang preparasyon para sa food for work kag pagbakal sang bugas sa National Food Authority (NFA).
