Matapos nga gin-issue ni Presidente Rodrigo Duterte ang Executive Order (EO) No. 164 nga nagakonsiderar sang nuclear power bilang alternatibo nga kuhaan sang energy source, ginalantaw sang pila ka power industry nga ini ang may maayo nga epekto sa ekonomiya kag posible pagnubo sa presyo sang electricidad.
Nakasaad sa amu nga executive order, nga kun plano sang Pilipinas nga malab-ot ang ila target growth, kinahanglan nga nga may yara ang pungsod sang reliable, secure, sustainable, quality kag affordable nga reservation sa suplay sang electricidad agud nga malikawan ang pagkulang sang power supply.
Ang nuclear energy program ang makabulig man sa pag-mitigate sang greenhouse gass emissions kag may mataas nga potensyal agud i-decarbonize ang power sector.
Sa interview sang Bombo Radyo kay Mr. Roel Castro, presidente sang More Electric and Power Corporation, iya ginpahayag nga may dako nga epekto ang nuclear sa generation rate, sa diin kun mas madako ang nuclear power plant may posibilidad ang mas manubo pa gid nga balor sang electricidad.
Suno kay Castro, importante man nga may yara sang masaligan nga power source ang pungsod kaangay sang kaugalingon nga nuclear power plant.
Dugang pa niya, nagadugay sang 20-30 ka tuig ang mga nuclear power plant amu nga ini ang epektibo nga maka-maintain sang power suplay sang Pilipinas.
Posible man nga liwat ibalik sa operasyon ang Bataan Nuclear Power Plant.
