Nagapati ang isa ka mga doktor nga dako ang mabulig sang pamilya, abyan, kag himata sang isa ka tawo agud nga mapalayo ini sa kasablagan sa patag sang mental health.
Sa interview sang Bombo Radyo kay Dr. Ken Patrick Ingles, Psychiatrist sa Don Jose Monfort Medical Center, iya ginpahayag nga ang usual nga rason kon ngaa nagaka-depress ang isa ka tawo ang wala sang specific nga kabangdanan bangud may nagalakip ini sang madamo nga factors.
Suno kay Ingles, ang amo nga sakit ang indi gilayon ma-predict ukon matumod apang mahimo nga mapunggan kon gilayon nga matatapan, paagi man sa bulig paggiya kag laygay sa isa ka tawo nga nagasuprer sang mental health crisis.
Ginpahayag man sini nga ang isa ka tawo nga nagapanumdom nga utason ang kaugalingon nga kabuhi ang may ginabatyag na nga daan nga indi maayo sa iya mental health condition.
Gin-athag man sang doktor nga kon sarang nga makabulig, mangin sensitibo nga abyan kag tsekyaron gid kon ano ang nabatyagan sang himata paagi sa pagpakig-istorya.
Nagpanugyan man ang ang natungdan sa publiko nga bantayan ang abyan nga anay na nagkumiter nga utason ang kabuhi bangud dako ang tsansa nga posible sini liwaton.
