ILOILO CITY -Makabulig sa pag-angkon sang maayo nga cadiovascular health ang paglangoy.
Sa interview sang Bombo Radyo kay Mark Consing, swimming instructor, iya ginpahayag nga ang paglangoy ang isa ka sahi sang ehersisyo nga makabulig sa pagpabaskog sang cadiovascular muscle kasubong sang baga.
Ginpahayag ni Consing nga ang mga may yara sang athsma kag ang mga senior citizen ang ginapanugyanan nga maglangoy.
Magluwas sa health benefits, ang ihibalo sa paglangoy ang mahimo nga magamit bilang water survival technique.
Bilang isa ka swimming instructor, ginapanugyan ni Consing nga mas makapaayo nga ang mga lapsag ang tudlu-an na sa paglangoy.
Lakip sa mga basic swimming techniques nga dapat matun-an amo ang pagginhawa sa tubig, floating ukon paglutaw kag ang glide ukon pagbuylo.
Kun matun-an na ang basic techniques, mahimo na mga matun-an ang nanari-sari nga stroke sa paglangoy.
