JAPAN – Wala ginasunod ang social distancing sa Japan nga isa man sa mga pungsod nga naapektuhan sang Coronavirus Disease 2019 (COVID-19).
Suno kay Bombo International Correspondent Josel Palma, wala ginasunod ang social distancing sa Japan bangud nga mabudlay ini ipatuman ilabi na sa pagsakay sa train apang kanselado ang tanan nga mass gatherings kag ginadumili-an ang pagpadulong sa pampubliko nga lugar kag hugot nga ginasunod ang proper hygiene.
Ginpahayag ni Palma nga naglab-ot na sa 1,635 na ang kabug-usan nga kaso sang COVID-19 kun sa diin 712 diri ang land base.
Sa subong, suno kay Palma, wala pa sang deklarasyon ang Health Ministry nga balik na normal ang sitwasyon sa Japan apang ginpasalig sang Japanese Government nga under control ang paglapta sang virus.
Ang klase sang Senior High School sa pila ka lugar ang nag-umpisa na apang wala pa sa gihapon sang klase sa Elementary.
Naglab-ot naman sa 10,000 ka test kits ang ginbakal sang Japanese Government gikan sa Europe.
