ILOILO CITY – Ginatun-an sang Commission on Elections (COMELEC) ang pag-review sang mga guidelines sa pagkampanya bangud sa naganubo nga restrictions sa COVID-19 sa pungsod.
Ang COMELEC Resolution 10730 ang gindihon pa sang Nobyembre 2021.
Sa interview sang Bombo Radyo kay Atty. Wilfred Jay Balisado, director sang COMELEC-Region 6, iya ginpahayag nga apisar nga may yara sang posible paghalog sa guidelines, nagapanawagan sila sa gihapon sa mga kandidato kag supporters nga magsuksok sang face mask kag magsunod sa minimum public health standards.
Dugang pa ni Balisado, yara pa sa gihapon ang pamahog sang COVDI-19 gani indi dapat mag kumpyansa.
Indi maluyag ang COMELEC nga ang campaign activities amo ang halinan sang liwat nga pagtimbu-ok sang kaso sang COVID-19.
Pabor naman si Balisado sa ginpahayag ni Commissioner Atty. George Garcia nga dapat nga i-review ang guidelines bangud sang gindihon ini, mataas pa ang kaso sang COVID-19 sa pungsod.
