ILOILO CITY – Mahimo nga ang paglutaw sang mga isda sa Iloilo River ang tuga sang mainit nga tiyempo kag sa masami nga pagbubo sang ulan.
Ini ang panan-aw sang pila ka mga residente may kaangtanan paglutaw sang mga isda sa Iloilo River.
Sa interview sang Bombo Radyo kay Sonny Francisco, iya ginpahayag nga masami nga nagalutaw ang mga isda sa tagsa ka 6:00 am tubtub 7:00 am.
Suno kay Francisco, indi patay ang mga isda kundi nagalutaw lamang sila sa tubig.
Ginpahayag ni Francisco nga kun kaisa, may mga pangayaw pa nga nagapamukot kun sa diin bisan ang mga magamay nga isda ang ginakuha.
Sa subong suno sa natungdan, wala na sang bantay dagat sa palibot sang Iloilo River.
