SARA, ILOILO – Ginsaysay sang menor de edad nga kaupod sang 26 anyos nga lalaki nga ginluthang patay sang mga pulis sa checkpoint sa Brgy. Zerrudo, Sara, Iloilo.
Sa interview sang Bombo Radyo kay alyas Boy, kaupod sang biktima nga si Adonis Hontiveros sa motorsiklo, iya ginpahayag nga nagliko sila ni Hontiveros bangud mabkal lamang sila sang ice water kag indi agud nga magpalagyo.
Suno kay Boy, ginlagas sila sang tatlo ka mga pulis nga wala naka uniporme apang bangud sa kakulba niya, naglumpat siya sa motorsiklo.
Didto kg ginpalapitan sang mga pulis si Hontiveros kag wala na nakita ni alyas Boy ang masunod nga natabo.
Nabatian na lamang ni Boy ang makapila ka beses nga lupok.
Natukiban nga natiruhan sa dughan si Hontiveros nga gintunaan sang iya kamatayon.
Nahibaluan nga sa una nga pagpahayag sang Sara Municipal Police Station nga may dala nga armas si Hontiveros kag una ini nga nagpalupok apang ini naman ang ginpanginwala sang pihak nga kampo.
