ILOILO CITY – Positibo ang panan-awan ni Iloilo City Mayor Jerry Treñas may kaangtanan sa pagnubo ang COVID-19 cases sa syudad sang Iloilo.
Sa interview sang Bombo Radyo kay Treñas, iya ginpahayag nga wala na sang new cases sa Iloilo Fish Port Complex kag sa Business Process Outsourcing Company nga iQor kun sa diin una nga na record ang pinakamadamo nga COVID-19 cases.
Suno kay Treñas, ang maayo nga balita ang mahimo epekto sang ginpasangkad nga contact tracing, pagpatigayon sang lockdown kag iban pa nga preventive measures.
Ginpahayag ni Treñas nga apisar madamo ang nagareklamo sa ginapatigayon nga lockdown kag mas ginpatemprano nga curfew apang kinahanglan ini nga ipatuman para sa kaayuhan sang tanan.
