ILOILO CITY – Pagsalamat, paglaum kag pagpangamuyo ang kaundan sang New Year’s message ni Police Regional Office (PRO) 6 Director PCSupt. John Bulalacao.
Sa interview sang Bombo Radyo kay Bulalacao, iya ginpahayag nga ang bag-ong tuig ang isa ka panugod sang tanan.
Tuman nga nagapasalamat si Bulalacao sa tanan nga nagbuylog sa PRO-6 bangud nga ini na ang iya pinakaulihi nga pagsaulog sang New Year bilang isa ka police official.
Ini bangud nga suno kay Bulalacao magaretiro na siya sa Hunyo 2, 2019.
Kadungan sini, nagalaum man ang PRO-6 Director nga indi na masulit pa ang mga pagpanghangkat nga nagtay-og sa pamunu-an sag PRO-6.
Ang bag-ong tuig man suno sa iya ang tion sang pagpangamuyo sa tanan nga nabaton nga grasya kag agud nga mas mapalapit sa Ginuo.
