Gin-ako sang tigpamaba ni Iloilo City Mayor Jerry Treñas nga naintindihan sang alkalde ang nangin explanation sang Civil Aviation Authority of the Philippines (CAAP) sa ila temporaryo nga pagpasirado sang Iloilo International Airport sang aga sang Disyembre 22.
Sa interview sang Bombo Radyo kay Ms. Joy Fatilaga, spokesperson ni Mayor Treñas, iya ginpahayag nga ang gin-eksplekar sa ila sang bahin sang CAAP amo ang safety sang mga pasahero bangud man sa nakita nga potholes sa runway sa airport rason nga temporaryo nila ginsirado ang airport.
Suno kay Fantilaga, nagpahayag ang alkalde nga kinahanglan na gid iduso ang modernization sang Iloilo International Airport agud nga malikawan na ang amo nga hitabo.
Nagpasalig man ang alkalde nga madayon na ang modernisasyon sang paluparan sa masunog first quarter sang 2025.
Nagapati man si Treñas nga importante nga mapaathag sa publiko ang ila mangin safety kon makompleto ang modernization sang airport.
