ILOILO CITY – Pabor si Iloilo 1st District Congresswoman-elect Janette Garin sa lihok ni Presidente Rodrigo Duterte nga pahalinon sa pwesto ang mga kurap nga opisyal sang Philippine Health Insurance Corp. (PhilHealth).
Sa exclusive interview sang Bombo Radyo kay Garin, iya ginpahayag nga makapaayo para sa gobyerno nga matinlu-an ang hanay sang PhilHealth.
Ginpahayag ni Garin nga nagakinahanglan nga may yara sang ‘stronger political will’ si Department of Health (DOH) Sec. Francisco Duque III agud nga masiguro nga indi na masulit pa ang nasambit nga kontrobersiya.
Sa subong suno sa natungdan, madamu na ang mga elected official sang pungsod nga nagpabutyag sang kahandaan agud nga masolbar ang nasambit nga problema.
Sa pihak sini, ginakabig naman sang natungdan nga ‘blessing in disguise’ ang pagkabuyagyag sang anomaliya sa PhilHealth kag tion na agud nga ini ang matapna.
