ILOILO CITY – Pabor ang Mandurriao kag Molo Police Stations sa motorized patrol units.
Sa interview sang Bombo Radyo kay Po. Maj. Marlon Valencia, hepe sang Mandurriao Police Station, iya ginpahayag nga ang pagpahamtang sang motorized patrol units ang isa ka pamaagi agud nga matapna ang insidente may kaangtanan sa motor riding suspects.
Sa Mandurraio Police Statiom, na rekord ang lima ka mga biktima sang motor riding suspects,
Isa diri amo ang drug related kag apat ang wala pa mahibaluan.
Isa man ka kaso ang na solbar na, isa ka kaso ang nagpabutyag nga wala sang interes sa pagpasaka sang kaso kag tatlo ang padayon sa gihapon nga gina-imbestigahan.
Samtang suno naman kay Pol. Maj. Engelbert Banquillo, hepe sang Molo Police Station, pinaagi sa motorized patrol units, mahimo nga mag hagan-hagan ang mga insidente may kaangtanan sa motor riding suspects.
Pahayag pa niya, ang problema sa mabudlay nga pagsolbar sa mga kaso sang motor riding suspects bangud indi klaro ang kuha sang Closed Circuit Televison Footage, may tabon ang nawong sang mga suspek kag wala plaka ang mga motorsiklo nga ginamaneho sang motor riding suspects.
Apang mas maayo dugang pa sang hepe nga kuntani madugangan ang mga pulis sa iya talatapan agud mas madasig nga masolbar ang krimen.
