ILOILO CITY- Ginhatagan sang kasanagan sang medical expert ang pila ka mga palamangkutanon kag pagpangduh-duha sang pumuluyo may kaangtanan sa COVID-19 vaccine.
Sa interview sang Bombo Radyo kay Dr. Ronnie Samoro, Internal Medicine-Pulmonary Specialist kag katapo sang citizen group nga Bakuna Iloilo, iya ginpahayag nga ang isa ka tawo mahimo nga dungan nga magpatublok sang lain-lain nga vaccine, halimbawa ang COVID-19 vaccines kag measles vaccine.
Suno kay Dr. Samoro, indi man ini delikado apang ang standard nga ginasunod amo nga kinahanglan nga may duha ka semana antes nga antad antes itublok ang lain nga bakuna.
Pahayag niya, ini agud nga kun may yara sang mabatyagan nga side effects ukon allergic reaction ang isa ka tawo,mas mahapos matumod kon ano nga bakuna ang kabangdanan sini.
May kaangtanan naman sa kon ano ang mangin epekto sa tawo kon magpahubog ini pagkatapos nga ginbakunahan, ginpahayag sang doktor nga wala man sang contraindication sa alcohol ang bakuna.
Apang suno sa iya, wala nila ini gina-encourage bangod kon matam-an sang alcohol ang tawo, apektado naman ang organs sa lawas ilabi na ang atay.
