ILOILO CITY – Wala pa sang rekomendasyon ang medical health workers nga nagahingyo nga ipaidalom sa total lockdown ang syudad sang Iloilo.
Ini ang kasunod sang panawagan sang medical health workers sa Bacolod City nga ipaidalom sa total lockdown ang lugar bangud sa nagataas nga numero sang COVID-19 cases.
Sa interview sang Bombo Radyo kay Mayor Jerry Treñas, iya gipahayag nga wala pa siya sang may nabaton nga request nga kinahanglan na nga ipaidalom sa lockdown ang syudad sang Iloilo sa rason nga nakapoy na ang mga medical health workers.
Suno kay Treñas, indi mahinago nga kalabanan sa mga hospital ang buta na apang may pipila pa ka mga health care isntitutions nga mahimo maka-akomodar sang pasyente.
Ginpahayag ni Treñas nga sang nakaligad nga adlaw, iya nga ginsapol ang COVID-19 task force nga ginabug-usan sang medical experts apang wala na-istoryahan ang tuhoy sa problema sa availability sang hospital beds.
