Ginplastar sa hearing sa Kamara nga kinahanglan ang intelligence fund nga ihatag sa Department of Agriculture agud matapna ang paglapta sang balatian sa mga baboy.
Suno kay Arnulfo Frontuna, Chairperson for Livestock sang Philippine Council for Agriculture and Fisheries, ini nga intelligence fund ang maga-cover sang surveillance kag monitoring sang livestock diseases.
Ginkwestyon man sini sa hearing sa House Committee on Agriculture and Food kun ngaa may intelligence fund para sa Department of Education apang wala sa Department of Agriculture.
Amo man ini ang makabulig suno kay Fortuna agud nga mapadasig ang pag-detect kag pagresponde sang gobyerno sa amo nga mga balatian.
Ginpaathag naman ni House Committee on Agriculture and Food Chair Quezon Rep. Mark Enverga nga may proposal agud amyendaran ang existing Agricultural Competitiveness Enhancement Fund agud makapain sang pondo ilabi na para sa African Swine Fever kag sa bird flu. ##
