Gin-athag sang Department of Health (DOH) kun ngaa temporaryo nga ginsuspende ang cremation sa syudad sang Iloilo.
Nahibaluan nga duha ka semana ang suspension sang operasyon sang Gegato Abecia Funeral Parlor and Crematorium bangud ginapahayag indi na ini makasarang mag-cater sang naga-inabot nga bangkay para sa cremation.
Sa interview sang Bombo Radyo kay Dr. Daphynie Teorima, Medical Officer III sang Department of Health (DOH) Region VI, iya ginpahayag nga nakitaan sang pila ka technical problem ang nasambit nga crematorium facility.
Suno kay Teorima, wala pa man sang pagginutok sang bangkay sa amo nga pasilidad apang may mga nagakadapat kaayuhon lakip na sa management sang nasambit nga crematorium.
Apisar sini pahayag sang natungdan, nagakadapat nga indi magpakampante ang mga tawo bangud ‘alarming’ na nga makabig ang nagataas nga numero sang COVID-19 cases nga ginatunaan sang pagtaas man sang death toll.
Dugang pa niya, nagakadapat nga magdoble halong man ang tanan bangud wala pa sang madasig nga pamaagi agud matumod ang nagkalain-lain kag mas makalalaton nga variant sang COVID-19.
