MANILA – Nagbubo ang pagpakig-unong kasunod sang kamatayon ni anay Manila Mayor Alfredo Lim sa edad nga 90 anyos.
Sa statement ni Presidential spokesperson Atty. Harry Roque Jr., nakasaad nga magapabilin ang “legacy of law and order” ni Lim.
Suno kay Roque, isa ka daku nga kadaluaan sa pungsod ang kamatayon sang anay alkalde sang Manila nga ginbansagan nga “Dirty Harry”.
Isa man sa nagpalab-ot sang pagpakig-unong amo si anay Presidente Joseph “Erap” Estrada kun sa diin sa iya Facebook post, nakasaad nga apisar nangin magkasumpong sila ni Lim sa pulitika apang isa lamang ang katuyuan nila kag ini amo nga makabulig sa Masang Manilenyo.
Magluwas kanday Roque kag Estrada, naghatag man sang tribute si Senator Lito Lapid kun sa diin iya ginkumpirma nga COVID-19 ang ginkamatay ni Lim.
Nauna na nga ginpahayag ni Manila Mayor Francisco “Isko” Moreno nga na-infect sang COVID-19 ang anay alkalde apang wala pa sang opisyal nga pahayag ang pamilya Lim.
