Ginpunto sa homily kaina sang aga sa Jaro Metropolitan Cathedral ang dako nga pagpalangga kag kaluoy nga ginahatag sang Diyos sa katawhan sa pagsaulog sang Divine Mercy Sunday.
Sa mensahe ni Rev. Fr. Aris James Java, parish priest sang nasambit nga simbahan, nagpahanumdom ini sa mga tumuluo nga importante ang pagpatawad sang kaugalingon kag ang padayon nga pagsalig sa Ginoo.
Ginpabutyag man sini ang mensahe nga sa pagsalig sa Diyos bilang simbolo sang paglaom kag pagtuo sa wala katapusan sa kaluoy sang Diyos.
Dugang pa sang sini nga ang gugma sang Ginoo para sa katawhan wala sang limitasyon kag wala sang bisan ano nga gahom nga makapugong sini.
Gin-agda man sini ang mga tumuluo nga permi magdangop kag magsalig sa kaluoy sang Diyos, ilabi na sa tion sang mga kabudlayan sa kabuhi.
