MANILA – Ginpaboran ni Presidente Rodrigo Duterte ang rekomendasyon sang Inter-Agency Task Force of Emerging Infectious Diseases nga palwigon ang suspension of classes sa Metro Manila tubtub sa Abril 12 may kaangtanan sa Code Red Sub-Level 2 declaration bangud sa Coronavirus Disease 2019 (COVID-19).
Sa iya mensahe sa Malacañang, ginpahayag ni Presidente Duterte nga nagakadapat lamang nga palawigon ang class suspension apang indi buot-silingon nga indi na magtuon ang mga estudyante.
Suno kay Presidente Duterte, kinahanglan sa gihapon sang mga estudyante nga ipasa ang tanan nga requirements agud nga makapasar subong nga school year.
Magluwas diri, likawan kun tani sang estudyante ang paglagaw agud nga indi malatnan sang virus.
