ILOILO CITY- Madamo sang benepisyo nga mahatag sa isa ka persona ukon sa isa ka negosyante ang mangin miyembro sang kooperatiba.
Ini ang kadungan man sa pagsaulog sang International Day of Cooperatives, sini nga bulan sang Hulyo nga may tema ‘Cooperatives for Climate Action.
Sa interview sang Bombo Radyo kay Al Avon Jay Francisco, Vice chairperson sang Iloilo City Cooperative Development Council, tinutuyo sang kooperatiba amo ang pagbinuligay sang mga miyembro sa tion sang pagkinahanglan.
Suno kay Francisco, dako ang mabulig sang kooperatiba kaangay subong nga tion sang pandemya, bangud may yara sang ginahatag nga bulig pinansyal, groceries, loan payment extension kag iban pa.
Pahayag pa niya, may mga loans nga mahimo ma-avail ang miyembro sang kooperatiba, nga mahimo gid magamit agud makabangon liwat ang mga negosyo gikan sa epekto sang pandemya
