BANATE, ILOILO- Temporaryo nga ginpauntat ang pagpanagtag sang cash assistance nagikan sa Social Amelioration program sang Department of Social Welfare and Development sa banwa sang Banate, bangud sa pila ka mga reklamo.
Sa interview sang Bombo Radyo kay Banate Mayor Carlos Cabangal, iya ginpahayag nga una na sila nakarelease sang social amelioration fund sa duha ka mga kabarangayan, apang nakabatun sila sang mga reklamo.
Bangud sini suno kay Cabangal, temporaryo nila nga ginpauntat ang pagpanghatag agud mahatagan ligwa ang revalidation sang listahan.
Nagahinyo naman siya sunbo kay Cabangal nga kuntani aktwal nga isurvey ang mga pumuluyo agud mahibaluan kun sin-o gid ang nagakadapat nga malakip kag mahatagan sang cash assistance nagikan sa gobyerno.
