ILOILO CITY – Nagkomiter ang Land Transportation Office Region VI nga ipaaway anay ang pagpanakop sa mga wala nagasuksok sang face shield nga driver kag pasahero sang pampubliko nga salakyan sa syudad sang Iloilo.
Ini ang may kaangtanan sa resolution nga ginpasar sang Iloilo City Council nga may tinutuyo nga makabulig sa mga driver nga indi man matam-an sa kaso nga Reckless Driving.
Sa interview sang Bombo Radyo kay Atty. Gaudioso Geduspan, assistant regional director sang Land Transportation Office 6, iya ginpahayag nga pending pa ang iya commitment sa mangin approval ni LTO Region VI Director Eric Tabaldo.
Suno kay Geduspan, umpisa sang Agusto 15, wala naman sila nakapangdakop bangud may mga grupo nga nag-apelar nga i-review anay ang implementasyon sang mandatory nga pagsuksok sang face shield.
“WALA SANG MAY GINDAKOP NGA DRIVER SA KASO NGA RECKLESS DRIVING BANGUD SA SALA SANG PASAHERO”
Samtang, umpisa sang ginpatuman ang mandatory wearing of face shield, 19 ka driver sang jeep ang nadakpan sang Land Transportation Office Region VI, samtang 7 naman ang nadakpan sang Philippine National Police.
Suno kay Geduspan, kun basehan ang pahayag sang nadakpan nga mga driver, nagkakas sang face shield ang ila sakay nga pasahero gani nga nadalahig lang sila sa bayolasyon.
Apang sang gincheck naman sang LTO sa ila enforcers, wala sang may nadakpan nga driver nga pasahero ang may sala.
Ini pa suno sa natungdan ang kinahanglan i-settle sa mga jeepney operators.
