ILOILO CITY – Ginkatingala sang mga mamalidha ang pahayag ni anay President Rodrigo Duterte nga nagatawag sa House of Representatives nga “garuk nga institusyon”.
Suno kay House Majority Leader Manuel Dalipe, ginsuportahan sang mga mamalidha ang administrasyon sang anay presidente kag ginhatag ang bastante nga pondo.
Nagapati si Dalipe nga ang pagpang-atake ni Duterte ang may kaangtanan sa pagkakas sang confidential funds sang pila ka mga ahensya kag departamento sang gobyerno sa ginaduso nga 2024 budget, lakip na ang iya sang Office of the Vice President sa idalom sang iya anak nga si Sara Duterte.
Apang ginpahayag ni Dalipe nga indi lang budget sang Office of the Vice President ang may pagbag-o.
Pahayag sang House leader, ang realignment sang confidential funds ang wala lamang nag-apekto sa Office of the Vice President kundi mangin sa iban man nga ahensya.
Ang ginaduso nga budget ang gina-deliberate pa sa subong sa Senado.
