Pagpangbakuna sa mga senior citizens sa Manila, temporaryo nga gin-untat bangud wala na sang supply sang AstraZeneca vaccines

Temporaryo nga gin-untat sang Manila government ang vaccination sa senior citizens batuk sa COVID-19 matapos nga maubos ang doses sang AstraZeneca.

Pila sa mga senior citizens ang nagpadulong pa sa vaccination sites apang sila man ang ginpapauli.

Indi man mahimo mabakunahan sang Sinovac vaccines ang mga senior citizens bangud base sa Food and Drug Administration, kinahanglan pa sang data gikan sa clinical trials antes ini nga marekomenda sa mga tigulang.

Ang Sinovac vaccines ang mahimo lang subong maggamit sang mga naga edad 18 tubtob 59 anyos.

Suno kay Department of Health Undersecretary Rosario Vergeire, wala pa sang ebidensya nga mahimo mabakunahan sang Sinovac ang mga senior citizens kag bangud sini, sundon lang anay sang ahensya ang abiso sang FDA.

Samtang padayon naman ang pagpangbakuna sang syudad sa mga indibidwal nga may comorbidities nga naga-edad 18 tubtob 59 anyos gamit ang nabilin nga supply sang bakuna nga ginhimo sang China-made Sinovac.